كن جميلاً و عامل الناس بصورة روحك علك تصبح أنقى …..
حلم
جيتين متل شي حلم سكران
لما بيسرقني الغفى
و بتهرب مني صحوتي
و بيغلغلي بجسمي الدفى
* * *
جيتني متل شي زهرة لوز
لقلبي ربيعو بوَصلتك تعلني
بعدها راح أبقى فرحان
و تجرّح قد ما فيها فيِّ الدني
* * *
و هنتِ كيف و شو ما بدك
اتصرفي و بروحي اعملي
المهم من حزني و جرحي
ديري بالك تسخري
* * *
لأنو انتبهي كتير منيح
و اسمعي و افهمي
و من تجارب الناس
اتعظي يا حلوتي و ا تعلمي
* * *
يلي بيزرع قمح بقلب نضيف
بيدر قمح راح يغتني
و اللي بيأذي روح
لا بدوا بلحظة حق قلبو يندمي
أسامة
كلامك كالرحيق السلسل كما يقال
لكن لو كان باللغ ة العربية الفصحة كان أنقى
لأن لغتنا هي الأفضل
صديقي
الصور البيانية الواردة أعلاه جميلة جدا” لكن اسمح لي أن ألفت نظرك إلى أمر أعتبره هام : برأيي ربما لتمكنك من اللغة العربية الفصحى تظهر لديك الكثير من الألفاظ الفصحى مما ينتج عنه مزيجا” بين اللهجة المحكية والعربية الفصحى وهذا المزج ( برأيي ) أضعف جمالية الصور إلى حدّ ما أما الصورة الفوتوغرافية فهي رائعة فأنت كعادتك لاتزال تحتل الصدارة في التقاطك لهذا النوع من الصور
دمت بألف خير … مع تحياتي وودّي