ملعون الانتظار الذي يحرق قلوب من نحب …..
شامخةً كالانتظار
انطرتك متل شي أرض
حزناني ضاربها القحل
متلهفي تا يجيَّ المطر
انطرتك متل ليل تعبان
ملّ من وحدتو و ناطر
تا يقضي عليها السهر
* * * *
انطرتك متل صبح مشتاق
تا تعلن ولادتو الشمس
و بعدها تكمل السفر
انطرتك متل حورا عرياني
مشتاق لريح أيلول
تا تلعب معا بضو القمر
* * * *
انطرتك تتمري ببالي المجروح
و انتشي من رهجتك و بعدها
يعمل فيِّ شو ما بدوا السكر
انطرتك تا تجيني ولو سرقه
عل القليلِ بشي حلم هربان
بعدها يدبحني قد ما بدوا النطَر
أسامة
صديقي الغالي
نطرتك سني … وياطول السني
إسأل شجر الجوز
شوفك بالصحو … جايي من الصحو
وضايع بورق اللوز
ما أصغر الدمعة … أنا دمعة حدّك
بدّي إندر شمعة … تا تخلّيني حدّك
ودمت بألف خير وودّ
ومضى العمر انتظار …
انتطرتو كتير …. لا مر ولا لوح بإيدو
شكيتو للقمر … ابتسم القمر وغاب خلف الغيوم …
ورسملي القمر بفيو عالشجر قصيدة ….
تاري القمر تاج الناطرين … تيوصلن عاضو الصبح البعيد ..
ولسا ناطرين تايدوب التلج …
ويطل الربيع ….
بلكي بيتذكر هاكي الصبية .. لوعدتا عيوني تنطرا تايطل الحب عا غيمةٌ وتشتي الدني …
مع أخلص لحظات الانتظار لحبيبتك : انطر بعد انتطر تيحرز كل شي حلو …
” اسهار بعد اسهار ……
انطرتك متل ياسمين
مشتاق للطل يضمو ويشمو
انطرتك متل القمر الحزين
اللي مضيع نجماتو
وانطرتك ع مواعيد منسية
مزروعة بورود وردية
ومر الزمان ..
ودبلت حواض الورد
ونسيت الأيام وأنا
ع النطرة متكية
ننتظر وكم ننتظر أحياناً يأتي من ننتظر
ومعظم الأحيان نبقى ننتظر .
السهر …والقمر … والسكر …وأنت ….
كتير هيك ……….
شكراً لأنك تمنحنا فرصة إضافية لحمد الله